Ражабали Шайдуллаевдин беттешине 16 күн калды!

31-декабрда Жапониянын Сайтама шаарындагы белгилүү Сайтама Супер Аренада Ражабали Шайдуллаев кезектеги беттешин өткөрөт.
 

66 кг
Ражабали Шайдуллаев (12-0), Кыргызстан
vs
Юта Кубо (5-1), Жапония

Бардык беттештерин мөөнөтүнөн эрте жеңген Ражабали акыркы эки беттешин дал ушул уюмда өткөрүп, экөөндө тең биринчи раундда сабмишн менен жеңип алган. Ражабали боюнча аналитикабыз сайтта бар.
 

37 жаштагы Юта Кубо өтө тажрыйбалуу кикбоксчу. 15 жылдык кесипкөй кикбокс карьерасын 49-10-2 рекорду менен аяктаган. К-1 уюмунун 67 кг дүйнө чемпиону болгон. 2021-жылы ММАда дебют кылып, алгачкы беттешин бирдей чечим менен жеңилип калган. Андан кийинки 5 беттешин катары менен жеңген. Бардык беттештери RIZIN уюмунун алкагында өткөн.

Азыркы учурдагы fightmatrix.com рейтингдерине карасак:

Ражабали Шайдуллаев - 66 кг, 162 упай, дүйнөдө 45-орун, Кыргызстанда 1-орун
Юта Кубо - 66 кг, 53 упай, дүйнөдө 53-орун, Жапонияда 10-орун

✔Булак - sherdog.com, fightmatrix.com, wikipedia