Дмитрий Бивол реваншта Артур Бетербиевди утуп алды!

Бүгүн Сауд Арабиясынын башкалаасында Дмитрий Бивол менен Артур Бетербиев реванш өткөрүштү. Байгеге 79 кг салмагынын бардык негизги курлары жана абсолюттук чемпион макамы коюлган эле.
 

Дмитрий дароо активдүү баштап, Артурдун соккуларынан жалтанбай иштеп жатты. Алгачкы раунддарды ишенимдүү түрдө жеңди, бирок 3-4 раунддан баштап тизгинди алдырып койду, активдүүлүгү да азайып калды. Артур ортончу раунддарда көп сокку жеткирди. 8-раунддан баштап Дмитрий кайра тез кыймылдап, темпти жогорулатты. 11-раундду чоң үстөмдүк менен жеңип, 12-раундда чарчап калгансыды. Жыйынтыгында калыстардын 114-114, 116-112, 115-113 эсеби менен Дмитрий беттешти жеңип алды.
 

1-беттеште алдырган WBA чемпиондук куру менен чогуу WBC, WBO, IBF курларын жеңип, 79 кг салмагынын абсолюттук чемпиону аталды. Эки боксчу тең жалгыз жеңилүүлөрүн бир-биринен алышты. Эми 3-беттешти күтсөк болот.
 

79 кг WBA, WBC, WBO, IBF курлары
✅ Дмитрий Бивол (24-1, 12 КО), Кыргызстан
🤙 көпчүлүк чечим
❌ Артур Бетербиев (21-1, 20 КО), Орусия



 

✔Булак - DAZN, boxrec.com