Ынтымак көк бөрүнүн талашсыз чемпионубу?

Өткөн жылы Дүйнөлүк Күжүрмөн Оюндарында биздин улакчыларыбыздын деңгээли эң жогору экендигине күбө болгонбуз. Алардын тактикасы, аргымактары, күчү, чеберчилиги башкалардан кыйла алдыда болгону анык билинди. Биздин көк бөрүчүлөрүбүздүн бул деңгээлге чыгып кеткендигинин бир себеби - өлкөбүздөгү ич ара конкуренция. Ошол эле убакытта жогорку лиганын чемпиондугун көпчүлүк учурда Ынтымак жеңип аткандай сезилет. Ынтымак көк бөрүнүн талашсыз чемпионубу? Акыркы жылдардын жыйынтыктарына көз салып көрөлү.
 

Акыркы 5 жылда жогорку лига мелдештери 10 жолу өткөн. Ынтымак 8 жолу чемпион болсо, Сары-Өзөн жана Достук бир жолудан чемпион аталышкан. 2020-жылдан бери Нооруз кубокторун жана Президенттин кубокторун Ынтымак гана жеңген, Жеңиш кубогунда болсо, эки жолу финалда жогоруда белгиленген командаларга утулуп калган.
 

Акыркы 5 жылда жогорку лиганын алкагында Ынтымак 29 оюн өткөргөн. 26 жолу жеңип, 3 жолу жеңилген. Демек, оюндардын дээрлик 90% уткан. 3 жеңилүүсүнөн экөөсү Достукка, бирөөсү Сары-Өзөнгө болгон. Белгиленген убакыттын ичиндеги Ынтымак менен Достуктун жалпы эсеби 6:2, ал эми Ынтымак менен Сары-Өзөндүкү 7:1. Ушул эки команда гана Ынтымакка туруштук бере алган, бирок көп натыйжалуу боло алышкан эмес.


 

Ошол убакыттын ичинде Ынтымактын курамы көп өзгөргөн эмес, өзөгү ошол бойдон турат десек болот. Былтыркы Дүйнөлүк Көчмөндөр Оюндарында элибиздин намысын коргоо үчүн жер улак курамасына Ынтымактын 6 оюнчусу кирди, ал эми көк бөрү курамабызга Ынтымактан бирөө кирди. Башка оюнчулар менен бирге баары элибиздин намысын бек коргоп, туубузду бийик көтөрүп келишти.

✔Булак - https://kokboru.net/