Улакчыларыбыз Ооганстандагы жер улакта чемпион болушту!

Дастан Русланов, Кубаныч Султан уулу жана жетекчилер Ооганстандын Кабул шаарына барып жер улак мелдешине катышты. Алар ойногон "Яма-Петруль" командасы чемпион болду. Улакчыларыбыз жогорку деңгээлде оюн көрсөтүп, ылдамдыгы жана чеберчилиги менен ооган элин таң калтырганы айтылууда.

Ал жактын көк бөрүсү менен биздин көк бөрүнүн айырмачылыктары бар экен. Мисалы, бизде оюнга 4 улакчы кирсе, ал жакта 6 улакчы экен, бизде 15 мүнөттөн 3 тайм ойнолсо, Ооганстанда 30 мүнөттөн 2 тайм ойнолот экен. Эң чоң айырмасы, алар тай казанга эмес жерге ойношот экен. Бирок 2025-жылдан баштап тайказанга да ойноп баштайбыз деп айтышыптыр..

✔Булак - IG: @kokboru_kg, IG: @kokboru_ulak, Youtube