Олимпиада жана дүйнө чемпиону Таха Акгүл Түркия Күрөш Федерациясынын президенти болду

18-декабрда Анкарада өткөн Түркия Күрөш Федерациясынын жыйынында белгилүү оор салмак балбаны Таха Акгүл президент болуп шайланды.

Таха Акгүл төрт ай мурун үчүнчү Олимпиада медалын жеңип алгандан кийин күрөш карьерасын жыйынтыктаган. 34 жаштагы балбан 2016-жылы Ри-де-Жанейродо алтын, андан кийин Токиодо жана Парижде коло медалдарын уткан. Таха ошондой эле үч жолку дүйнө чемпиону жана 11 жолку Европа чемпиону.
 

"Өзүмдүн шайланганым үчүн абдан кубанычтамын. Командам менен биргеликте күрөш спорту үчүн бардык күч-аракетибизди жумшайбыз" – деди Таха Акгүл шайлоодон кийин Бириккен Күрөш Уюмуна.
 

Түркия Күрөш федерациясынын маалыматына ылайык, Таха 288 добуштан 189ун алган. Үч жолку дүйнө чемпиону болгон Селчук Чеби калган 99 добуштун 92син алган, ал эми калган жети добуш жараксыз деп табылган.
 

"Таха Акгүлдүн жетекчилиги менен Федерациянын жаңы башкармалыгынын толук мүчөлөрү төмөнкүлөр: Месут Өзаслан, Абдуллах Шанлы, Арслан Нарин, Мурат Шахин, Хусейн Кая, Шемс Сезал, Исмаил Ягбат, Ихсан Гурол Гуей, Ибрахим Демиртуркоглу жана Ахмет Йылдырым," – деп билдирген Түркия Күрөш Федерациясы.

 

✔Булак - макаланын түп нускасы - https://uww.org/article/akgul-elected-president-turkish-wrestling-federation