Наоя Иноуэ абсолюттук чемпиондугун дагы бир жолу нокаут менен коргоду!
24 январь 2025 12:01
Наоя Иноуэ (29-0, 26 КО) Е Джун Кимди (21-3-2, 13 КО) 4-раундда нокаут менен жеңип, WBA, WBC, WBO, IBF жана The Ring курларын ийгиликтүү коргоп алды. Беттеш 55 кг салмак даражасында өттү. Мелдеш Жапониянын Токио шаарында орун алды. Бул жапон боксчусу үчүн абсолюттук чемпиондуктун үчүнчү коргоосу болду.
Эки боксчу тең 1-раундду шашпай, бир-бирин байкап өткөрүштү. Экинчи раундда Наоя дароо басым кылып, көп соккуларды жеткире баштады. Үчүнчү раундда Е Джун бир-эки жакшы тийди, бирок Наоя баары бир басым кылып, көбүрөөк сокку жеткирди, корпуска да иштеп жатты. 4-раундда Наоя активдүүлүктү дагы көбөйтүп, корпуска оор сокку жеткиргенин сезгенден кийин аркасынан түшүп, эки сокку сериясын узатты. Жеб-кростон кийин Е Джун жыгылып, калыс эсептегенче тура албады. Ошентип жапон боксчусу бул салмактын талашсыз лидери экенин дагы бир жолу далилдеди.
55 кг WBA, WBC, WBO, IBF жана The Ring курларына
✅ (Ч.) Наоя Иноуэ (29-0, 26 КО), Жапония
🤙 4-раунд, нокаут
❌ Е Джун Ким (21-3-2), Түштүк Корея
✔Булак - boxrec.com, megogo
