Кесипкөй боксунун өткөн 3 аптадагы урунтуу учурлары. Эки курдун ээлери пайда болду

Ар дүйшөмбү биз сиздерге өткөн аптадагы кесипкөй боксунун урунтуу учурларын чагылдырып турабыз, бирок өткөн эки аптада бул рубриканын чыгарбай калдык. Бул чыгарылышта өткөн 3 аптаны чагылдырып беребиз. Кесипкөй бокс дүйнөсүндө биздин көңүлүбүздү тарткан алты беттеш өттү.
 

Негизги 4 уюмдун бири болгон IBFтин 67 кг чемпиондук курун Жарон Эннис Карен Чухаджянга каршы коргогон. Бул алардын экинчи беттеши болду. Жарон эки жыл мурун Вашингтон шаарында өткөн 12 раунддук беттеште Каренди жеңип алган болчу. Бул жолу өзүнүн туулуп-өскөн шаары Филадельфияда ушундай эле натыйжаны кайталай алды. Бул жолу Жарон каршылашын нокдаун кылды, Чухаджян эрежени бузганы үчүн бир упай жоготту жана калыстар Чухаджянга айрым раунддарды беришти. Расмий эсептер 119-107, 117-109 жана 116-110 болду.
 

67 кг IBF куруна
✅ Жарон Эннис (33-0, 29 КО), АКШ
🤙 бирдей чечим
❌ Карен Чухаджян (24-3, 13 КО), Украина
 

Негизги болгон дагы бир уюмдун (WBC) 52 кг чемпиондук куру талашка түшкөн. Джесси Родригес курун Педро Геварага каршы коргогон. Педро Гевара өзүнүн 47 кесипкөй беттешинде эч качан нокаутка түшкөн эмес. Анын төрт жеңилүүсү 12 раунддан кийин тартыш же көпчүлүк чечим менен болгон. Бирок Филадельфиядагы мелдеште Джесси Родригеске каршы Педро үчүнчү раунддан чыга алган жок. Родригес мексикалык ардагерди эки жолу нокдаунга түшүрүп, үчүнчү раунддун 2 мүнөт 47 секундасында техникалык нокаут кылды.
 

52 кг WBC куруна
✅ Джесси Родригес (21-0, 14 КО), АКШ
🤙 3-раунд, ТКО
❌ Педро Гевара (42-5-1, 22 КО), Мексика
 

АКШда өткөн чала кесипкөй беттеште 58 жаштагы Майк Тайсон менен 27 жаштагы Жейк Пол кез келишти. Беттеш көбүрөөк ностальгиялык маанайда өттү. Тайсон сегиз эки мүнөттүк раунддан кийин жеңилгенине карабай, тик туруп, эки калыстын кагазында бир раундду алды. Беттеш Тайсондун мурунку чеберчилиги азайганын, бирок жашына карабастан дагы деле мелдеше аларынын көрсөткүчү болду. Жейк 80-72 жана 79-73 упайлары менен ишенимдүү жеңишке жетти, бирок Тайсонду терең урматтап, анын бокстогу таасирин жана легендарлуу статусун белгиледи. Тайсон болсо, өзүнүн көрсөткөн беттешинен канааттанып, Полду урматтоого татыктуу жакшы мушкер деп мактады.
 

✅ Жейк Пол, АКШ
🤙 бирдей чечим
❌ Майк Тайсон, АКШ
 

WBCнин 67 кг куру үчүн болгон катуу беттеште Марио Барриос жана Абель Рамос бири-бирин нокдаунга түшүрүштү. Беттеш тең чыгуу менен аяктап, Барриос өзүнүн чемпиондук наамын сактап калды. 12 раунддан кийин жеңүүчүнү аныктоо кыйын болду, бирок рингдин четинен караганда Барриос курун сактап калуу үчүн жетиштүү аракет кылгандай сезилди – жана чындыгында да ошондой болду, бирок жеңе албады. Калыстардын эсептери 116-110, 112-114, 113-113 болду.
 

67 кг WBC куруна
- Марио Барриос (29-2-1, 18 КО), АКШ
🤙 тең чыгуу
- Абель Рамос (28-6-3, 22 КО), АКШ
 

WBA жана WBO уюмдарынын 91 кг чемпиондук курлары үчүн Гильберто Рамирес менен Крис Биллам-Смит кез келишти. Гильберто WBA чемпиону, Крис WBO чемпиону эле. Гильберто 12 раундга созулган катуу кармашта 116-112, 116-112 жана 116-113 упайлары менен жеңишке жетишип, мыкты боксту көрсөттү. Крис көп сокку жегени менен ылдамдыгын жоготпой, беттешти улантты. Ал эми сологой Гильберто өтө активдүү кыймылдаганы үчүн аны уруу же токтотуу кыйын болду. Эми ал IBF чемпиону Жэй Опетаяга каршы дагы бир чоң беттештин алдында турат.
 

91 кг WBA жана WBO курларына
✅ Гильберто Рамирес (47-1, 30 КО), Мексика
🤙 бирдей чечим
❌ Крис Биллам-Смит (20-2, 13 КО), Улуу Британия
 

WBA жана WBO уюмдарынын 48 кг чемпиондук курлары үчүн Оскар Колласо менен Тамманун Немчонгду кез келишти. Оскар WBO чемпиону, Тамманун WBA чемпиону жана экөө тең жеңилбес боксчулар эле. Оскар Колласо беттеш учурунда атаандашын үч жолу нокдаунга түшүрдү, үчүнчү жолу жыгылгандан кийин рефери беттешти токтотту.
 

48 кг WBA жана WBO курларына
✅ Оскар Колласо (11-0, 8 КО), АКШ
🤙 7-раунд, ТКО
❌ Тамманун Немчонгду (25-1, 9 КО), Тайланд

✔Булак - boxingscene.com, boxrec.com