Александр Усик экинчи жолу Тайсон Фьюрини жеңип алды!

Александр Усик (23-0, 14 КО) Тайсон Фьюрини (34-2-1, 24 КО) бирдей чечим менен жеңип, алардын узакка созулган атаандаштыгын жыйынтыктады. Үч калыс тең 116-112 эсебинде Александрды жеңүүчү деп табышты, ал WBA, WBC жана WBO титулдарын коргоп калды. Тайсон Фьюри өзүнүн салмагын жана тажрыйбасын колдонуп, Александр Усиктин темпин жайлатууга аракет кылды. Бирок украиналык боксчу активдүүлүгүн сактап, беттештин жүрүшүндө үстөмдүк кылды.
 

Беттеш Сауд Арабиясынынын борбор шаарында өтүп, жылдыздарга толгон көрүүчүлөрдүн алдында болду. Тайсон башында өзүнүн тактикасын колдонууга аракет кылып, Александрга  кысым көрсөттү. Бирок Александр Усиктин кыймылы жана тактикалык чеберчилиги ага жеңишти камсыз кылды. Жыйынтык жарыялангандан кийин,Тайсон Фьюри нааразычылыгын билдирди.
 

Быйыл май айында алардын биринчи беттеши ошол эле шаарда өткөн. Анда Александр Тайсонду нокдаун кылып, тартыш чечим менен (115-112, 114-113, 113-114) жеңип алган эле. Бул Тайсон Фьюринин экинчи гана жеңилүүсү болду жана экөө тең Александр Усик менен беттеште болду. Азыркы учурда оор салмактагы 4 негизги курдун үчөөсү Александрда, бирөөсү Даниель Дюбуада (22-2, 21 КО).

 

✔Булак - boxrec.com, boxingscene.com